Maykl Olise Bayern ilə yeni müqavilə üzrə razılığa yaxın

17 oktyabr 2026. Bayern Münhenin vingeri Maykl Olise klubla yeni müqavilə bağlamaq üzrə danışıqların son mərhələsindədir. Bildirilib ki, tərəflər 2030-cu ilə qədər qüvvədə olacaq razılaşmaya yaxınlaşıblar və rəsmi yekunlaşma gözlənilir.

Münhen klubundan ayrılmaq niyyətində olmadığı vurğulanan 24 yaşlı futbolçuya qarşı Real Madridin marağı olsa da, Olise transfer düşünmür. Yeni müqavilə çərçivəsində onun maaşının əhəmiyyətli dərəcədə artırılması planlaşdırılır və bu, onun Bayern-in ən yüksək maaş alan oyunçularından birinə çevrilməsinə gətirə bilər.

Bu mövsümdə Maykl Olise bütün turnirləri nəzərə alaraq 9 oyuna çıxıb, 8 qol vurub və 4 məhsuldar ötürmə edib. Klub və oyunçu arasında danışıqların yekun detalları yaxın günlərdə açıqlana bilər.

Mənbə: GettoSport