Messi Qızıl Top mərasiminə qatılmayıb, Messi Kuboku açıldı

26 oktyabr 2026 — Səkkiz dəfə Qızıl Topu qazanan Lionel Messi oktyabrın 26-da 2026-cı il Qızıl Top (Ballon d'Or) təqdimat mərasiminə qatılmayıb. O, həmin gündə özünün təşkil etdiyi və gənc futbolçuların inkişafına həsr olunan U-16 "Messi Kuboku" turnirinin açılışında olub.

Açılış mərasimində bildirib ki, yarış istedadlı gənclərə rəqabət, öyrənmə və təcrübə qazanmaq imkanı verəcək. Bu il ikinci dəfə keçirilən turnirin həcmi ötən illə müqayisədə artıb — əvvəlki dəfə 8 komanda iştirak edirdisə, bu dəfə Avropa, Cənubi və Şimali Amerikanı təmsil edən 16 klub qatılıb.

Turnirə "Barselona", "Real Madrid", "Atletiko", "Çelsi", "Mançester Siti" və "Arsenal" kimi Avropa klubları ilə yanaşı Cənubi Amerikadan "River Pleyt", "Boka Xuniors", "Palmeyras" və "Flamenqo" da qatılıb. Turnirin təşkilatçısı və meydan sahibi Messinin çıxış etdiyi "İnter Mayami"dir.

Mənbələrə görə, Messi oktyabrın 26-dan noyabrın 2-dək davam edəcək turnirin oyunlarını izləməyi planlaşdırır. Onu yaxın dostları Luis Suares və Rodriqo De Paul, eləcə də ailə üzvləri müşayiət edə bilərlər. Beləliklə, argentinalı futbolçu "İnter Mayami"dəki öhdəliklərinə baxmayaraq, turnirə vaxt ayıracaq.

Mənbə: GettoSport