Mingəçevir məşqlərə çıxmağı dayandırdı, oyun təxirə düşə bilər

20 oktyabr 2026 — I Liqanın 6-cı turunda sabah Şamaxıda Xankəndi ilə üz-üzə gəlməli olan Mingəçevir komandasının futbolçuları iki aydır əməkhaqqı almamaları səbəbindən iki gündür məşqlərə çıxmayıblar və bu səbəbdən qarşılaşmanın baş tutması sual altındadır.

Maliyyə böhranı yaşayan klubda əhval-ruhiyyə pisdir: oyunçuların başladığı boykota baş məşqçi Elman Sultanovun köməkçiləri də qoşulub. Baş məşqçinin özü Şimal klubuna 1:4 hesabı ilə uduzduqları oyundan sonra Mingəçevirə qayıtmayıb.

Klubun iyulda himayəsinə verilən şəxslərin hazırda ortada olmadığı, onlarla əlaqə saxlanılmadığı vurğulanır. Kirayə mənzillərin sahibləri kirayə pulunu ödəməyən oyunçuların qapılarını bağlayıb, gündəlik qida təminatı isə zəif olduğundan yerli azarkeşlər futbolçulara yemək almaq üçün pul toplayırlar.

Mingəçevirdə yaranmış böhranın nə vaxta qədər davam edəcəyi və komandada parçalanmanın qarşısının alınıb-alınmayacağı məlum deyil; klubun gələcək fəaliyyəti və sabahkı matçın keçirilib-keçirilməyəcəyi haqda rəsmi xəbər verilməyib.

Mənbə: GettoSport