Mixal Sadilek Bakıda məğlubiyyəti təhlil etdi

14 oktyabr 2026. Mixal Sadilek Çexiyanın Slavia klubunun Bakıda keçirilən Çempionlar Liqasının Liqa mərhələsinin 2-ci turunda "Sabah"a 0:2 hesablı məğlubiyyətini şərh edib.

27 yaşlı yarımmüdafiəçi açıqlamasında əsas problemi yaradılan qol imkanlarından yararlana bilməməkdə görüb: “Bilmirəm, mənə elə gəldi ki, yaratdığımız qol imkanlarında bir qədər tələsirdik. Lazımi qədər soyuqqanlı deyildik. Rəqib isə əldə etdiyi imkanlardan yararlandı. Təəssüf ki, biz bu oyunu belə təsəvvür etmirdik”.

Sadilek komandasının xüsusilə birinci hissədə oyuna nəzarət edə bilmədiyini etiraf edib: “Bəli, məhz belə idi. Topa çox sahib ola bilmirdik, ən azı birinci hissədə. Yalnız ikinci hissədə, qol buraxdıqdan sonra oynamağa çalışdıq. Amma bu, kifayət etmədi”.

Futbolçu Bakıda qələbə qazana bilməmələrinin onları daha çox məyus etdiyini vurğulayıb və əlavə edib: “Bu məğlubiyyət bizi çox məyus edir. Əlbəttə, qələbə qazana bilmədiyimiz hər oyun bizi üzür, amma bu dəfə daha çox. Düşünürəm ki, qol imkanlarımız var idi. Rəqib iki dəfə topu qapı xəttindən çıxardı. Dediyim kimi, çox məyusuq. Onlar imkanlarından yararlandılar, biz isə yox. Bizim göstərdiyimiz oyun kifayət etmədi”.

Qeyd edək ki, Slavia Çempionlar Liqasının Liqa mərhələsində keçirdiyi ilk iki oyununda hər iki matçdan məğlub ayrılıb.

Mənbə: GettoSport