Mourinyo El-Klasiko öncəsi Barselonaya söz atdı

25 oktyabr 2026 — Joze Mourinyo El-Klasiko öncəsi mətbuat konfransında “Barselona”ya və oyunun ümumi məqamlarına dair sərt açıqlamalar verib. Matç bu gün Spotify Kamp Nouda keçiriləcək və Bakı vaxtı ilə saat 23:59-da başlayacaq.

Mourinyo Fermin Lopesin Madrid klubunun hakimlər barədə şikayətlərindən bezdiklərini deməsinə cavab olaraq bildirib: “Bizi isə hələ də davam edən başqa şeylər bezdirir. Fermini də, özünün dediyi kimi, bizim söylədiklərimiz bezdirir”.

Portuqaliyalı məşqçi El-Klasikonun titul uğrunda əsas sınaq olması fikrini rədd edib: “Xeyr. Mourinyo ilə ‘Real Madrid’ titullar qazanır”. Flik haqqında sualı qısa cavablandıran baş məşqçi isə rəqib çalışdırıcını tərifləyib: “O, əla məşqçidir, işini çox yaxşı görür. Bundan artıq heç nə deyə bilmərəm”.

Lamin Yamal barədə danışan Mourinyo ona hörmət etdiklərini, lakin oyun planlarını bir futbolçuya görə dəyişməyəcəklərini vurğulayıb: “O, böyük futbolçudur... Amma hörmət etmək başqa, planlarını, oyun quruluşunu dəyişmək və öz mahiyyətini unutmaq başqadır.”

Komandasının forması və tənqidlərə münasibətində Mourinyo bildirib ki, “Real” onun rəhbərliyi altında faktiki olaraq ayyarım-iki aydır çalışır və hazırkı mərhələdə kollektiv hələ formalaşmaqdadır. Hakim təyinatı ilə bağlı isə əsas narahatlığının kimlik yox, qaydaların pozulması olduğunu söyləyib: “Hakimin kimliyi məni heç vaxt narahat etməyib... Məni narahat edən qaydaların pozulmasıdır.”

Mourinyo start heyəti və oyun planını müəyyənləşdirdiyini təsdiqləsə də, taktiki detalları açıqlamayıb. “Barselona” - “Real Madrid” görüşü bu gün Kataloniyada keçiriləcək.

Mənbə: GettoSport