Pəncəli Teymurovun xatirəsinə Astarada turnir keçirildi

19 oktyabr 2026. Oktyabrın 16-17-də Astara Olimpiya İdman Kompleksində Azərbaycanın Milli Qəhrəmanı Pəncəli Teymurovun xatirəsinə güləş turniri keçirilib.

Yarışı Azərbaycan Güləş Federasiyası ilə Lənkəran-Astara Regional Gənclər və İdman İdarəsi birgə təşkil edib. U-15 yaş qrupuna aid yarışda təxminən 100 yeniyetmə güləşçi iştirak edib.

Turnirin ilk günündə Astara güləş məktəbinin tanınmış siması, Avropa və U-23 dünya çempionu, həmçinin U-15 milli komandanın məşqçisi Əliabbas Rzazadənin imza mərasimi keçirilib.

Təşkilatçılar bildiriblər ki, bu ilk dəfə keçirilən yarışın əsas məqsədi perspektivli idmançıların üzə çıxarılmasına dəstək vermək, onların yarış təcrübəsini artırmaq və gənc nəsildə vətənpərvərlik ruhunu gücləndirməkdir.

Mənbə: GettoSport