Petr Yan Merab Dvalişvilinin ikinci döyüşdə sındığını bildirib

UFC-nin keçmiş çempionu Petr Yan qarşıdakı döyüşlə bağlı açıqlamalar verib. O, rəqibi Merab Dvalişvilinin onların ikinci qarşılaşmasında psixoloji cəhətdən sındığını özünün etiraf etdiyini bildirib.

Yan rəqibinin bu etirafına görə mətbuat konfransında ona sərt reaksiya verdiyini qeyd edib: "Ən vacibi odur ki, o özü etiraf etdi ki, mən onu daha təvazökar etmişəm. Mən ona qarşı kobud davranmamışam. Sadəcə, konfransda sual veriləndə o, bəhanələr gətirməyə başladı və mən dedim: ‘Ağzını bağla, bizim döyüşün tarixi artıq bəllidir’. Fakt budur ki, ikinci döyüşdə mən fərqli çıxış etdim. Birinci döyüşdə onu vurmamışdım. Özünüz də müsahibəni eşitmisiniz – o özü dedi ki, ikinci raundda sındı".

Xatırladaq ki, Petr Yan və Merab Dvalişvili oktyabrın 24-də Əbu-Dabidə təşkil olunacaq UFC 333 turnirində üz-üzə gələcəklər.

Mənbə: GettoSport