Puxaç İsa Məsih kimi olmağı arzuladığını söylədi

13 oktyabr 2026

Sabah klubunun 27 yaşlı müdafiəçisi Timoteuş Puxaç oktyabrın 13-də Maya Strelçikin "Autochwile" podkastında dini inancı, şəxsi həyatı və karyerası barədə açıqlamalar verib. Bu gün Puxaçın komandası Çempionlar Liqasının liqa mərhələsində ikinci oyununu Bakı Olimpiya Stadionunda Çexiyanın Slaviya (Praqa) klubu ilə saat 20:45-də keçirəcək.

Puxaç dinə olan bağlılığının güclü olduğunu, həyat yoldaşı Oliviya ilə tanışlığının ona dərin mənəvi dəyişikliklər yaşatdığını deyib. O bildirib ki, "Oliviya ilə tanış olanda əsl sevgini tapdığımı hiss etdim. Mənim üçün Allah sevgidir. Həyat yoldaşımla Allaha olan sevgim arasında güclü bağlılıq var."

Futbolçu podkasta verdiyi müsahibədə "İsa Məsih kimi olmaq istərdim. Sadəcə, hamıya yaxşılıq etmək istəyirəm" sözlərini işlətdi. O həmçinin matçlara İncil apardıqlarını və meydana çıxmazdan əvvəl ondan parçalar oxuduğunu bildirib.

Puxaç Azərbaycana transfer olunanda karyerasının geriləyəcəyini düşünənlər olsa da, Bakı təmsilçisi ilə o, ölkə çempionluğunu və kubokunu əldə edib və daha sonra Çempionlar Liqasının liqa mərhələsinə yüksəlib. Futbolçu bu uğuru vəsiqəni Allaha inamı ilə əlaqələndirib: "Mən tez-tez deyirəm ki, Allah mənə müəyyən şeyləri göstərir... Çempionlar Liqasına yüksələndə o qədər xoşbəxt idim ki, insanların hələ də Allaha necə inanmadığını düşünürdüm."

Podkasta həyat yoldaşı Oliviya Puxaç da qoşularaq onun tənqidlərdən motivasiya aldığını bildirib. Puxaç öz hekayəsinin başqalarına nümunə olacağına ümid etdiyini vurğulayıb.

Mənbə: GettoSport