Qarabağ SOCAR-ın ərazisini uzunmüddətli icarəyə götürdü

2 noyabr 2026 — Ağdam təmsilçisi Qarabağ yaxın vaxtlarda Suraxanıda yeni təlim-məşq bazasının inşasına başlayacaq. Klubun futbol akademiyasının baş koordinatoru Aftandil Hacıyev bildirib ki, SOCAR-ın balansında olan ərazinin klubun uzunmüddətli icarəsinə dair danışıqlar yekunlaşıb və sənədləşmə işləri davam edir. Bu barədə Sportinfo.az məlumat yayıb.

Hacıyev qeyd edib ki, hazırda sənədləşdirilən sahə təxminən beş hektardır. Yeni bazada futbolçuların qalması və qidalanması üçün ltel tipli bina tikiləcək, ölçüləri standartlara uyğun gələn iki təbii örtüklü meydança salınacaq, həmçinin süni qazonlu meydança nəzərdə tutulur.

Aftandil Hacıyev bildirib: “Yer çox xoşumuza gəlib. Orada normal akademiya yaratmaq mümkündür. Futbolçuların qalması və qidalanması üçün ltel tipli bina tikiləcək. Ölçüləri standartlara uyğun gələn iki meydança salınacaq. Onların ikisi də təbii örtüklü olacaq. Həmçinin süni qazondan ibarət meydança hazırlanacaq.”

Koordinator əlavə edib ki, hazırda tikinti büdcəsinin müəyyənləşdirilməsi davam edir və klub rəhbərliyinin dəstəyi sayəsində ilin sonunadək tikintiyə start verilə bilər. O, yeni bazanın aşağı yaş qruplarının xərclərini azaltmaq və komandalara bir məkanda nəzarət etməyi asanlaşdıracağını vurğulayıb.

Mənbə: Sportinfo.az

Hazırladı: GettoSport