Qarabağ U-19 Xorvatiyada Dinamo qarşısında 0:7 uduzdu

6 noyabr 2026 — "Qarabağ"ın U-19 komandası UEFA Gənclər Liqasının II təsnifat mərhələsinin cavab oyununda Xorvatiyada "Dinamo"ya 0:7 hesabı ilə uduzub və turnirdə mübarizəni dayandırıb. Bakıdakı ilk görüşdə də Ağdam təmsilçisi 1:2 hesabı ilə məğlub olmuşdu. Bu barədə Sportinfo.az məlumat yayıb.

Komandanın baş məşqçisi Rəşad Sadiqovun rəhbərlik etdiyi kollektiv cavab matçında ağır məğlubiyyətə üzləşdi. Qarşılaşmanın nəticəsi akedemiyanın və ölkə futbolunun aşağı yaş kateqoriyalarında sistemli inkişafın vacibliyini bir daha göstərdi.

"Qarabağ" Futbol Akademiyasının koordinatoru Aftandil Hacıyev müsahibəsində gənc oyunçuların beynəlxalq səviyyədə daha çox təcrübə qazanmasının zəruriliyini vurğulayıb. Hacıyev bildirib: "İldə 2-3 beynəlxalq matç keçirməklə gənc futbolçuların inkişaf etməsi və ciddi uğur qazanması çox çətindir."

O, daxili çempionatla beynəlxalq turnirlər arasındakı fərqi önə çəkərək, ilk hissədəki uğursuz başlanğıcı və ardıcıl buraxılan qolların komandanın geri dönüşünü çətinləşdirdiyini qeyd edib. Hacıyev əlavə edib: "Bir neçə epizod oldu ki, hesab arasındakı fərqi azalda bilərdik. Rəqibin də təhlükəli imkanları var idi. Ümumilikdə məyusedici məğlubiyyətdir."

Akademiya koordinatoru gələcəkdə ölkə üzrə aşağı yaş qruplarında sistemli iş qurulmasının zəruriliyini vurğulayıb: "Məqsədimiz onları qısa zamanda böyüklərlə daha çox oynadıb sürətli futbola uyğunlaşıdırmaqdır. Bu gün beynəlxalq arena üçün təkcə 'Qarabağ'ın deyil, digər komandaların da gücü yetmir."

Mənbə: Sportinfo.az

Hazırladı: GettoSport