Qəbələ Şamaxıda Araz-Naxçıvanı məğlub etdi

24 oktyabr 2026, Şənbə. Misli Premyer Liqasının IX turunda 23 oktyabrda Şamaxıda Araz-Naxçıvan komandası Qəbələni qəbul edib. Qonaqlar Şamaxı şəhər stadionunda keçən görüşdən 2:1 hesablı qələbə ilə ayrılıblar.

Qəbələnin qollarını 6-cı dəqiqədə İsmael Akinade və 48-ci dəqiqədə İsaak Amoah vurub. Ev sahibinin yeganə qolunu 36-cı dəqiqədə Mohamed Mara hesabına yazılıb. Oyuna 300 tamaşaçı tamaşa edib.

Qələbə ilə Qəbələ xallarını 7-yə çatdıraraq turnir cədvəlində 9-cu pilləyə yüksəlib. Araz-Naxçıvan isə 2 xalla 12-ci, sonuncu sırada qalıb.

Baş hakim Əkbər Əhmədov, köməkçiləri Vüsal Məmmədov və Gülnurə Əkbərzadə olub. VAR hakimliyi Nicat İsmayıllı həyata keçirib. Oyunda bir neçə futbolçu sarı vərəqə ilə cəzalandırılıb; meydan sahiblərindən Mohamed Mara (47) və Mamadu Kane (90+2), qonaqlardan isə Edson Eduardo (35) və Xayme Syerra (87) sarı alıblar. Rəsmi şəxsə Qəbələdən Amil Ağacanov 61-ci dəqiqədə sarı göstərilib.

Komandaların start heyətləri

• Araz-Naxçıvan: 99. Tərlan Əhmədli; 2. Abdulla Rzayev; 8. Mustafa Əhmədzadə; 27. Boyan Letiç; 6. Patrik Andrade (k); 11. Mohamed Mara; 36. Mamadu Kane; 12. Bruno Franko; 10. Şarl Boli; 5. Luka Dumançiç; 23. Alberto Fernandes.
• Qəbələ: 1. Səlahət Ağayev (k); 4. Elvin Camalov; 10. Şahin Şahniyarov; 27. Eşqin Əhmədov; 24. İsmael Akinade; 23. Rafael Utziq; 8. Endri Çekici; 6. Xayme Syerra; 12. Kouya Mabea; 16. İsaak Amoah; 3. Edson Eduardo.

Mənbə: GettoSport