Renat Dadaşov derbini tribunadan izləyib, AFFA müalicəni ödədi

18 oktyabr 2026 — Azərbaycan millisinin hücumçusu Renat Dadaşov 17 oktyabrda keçirilən Qarabağ–Neftçi derbini tribunadan izləyib.

25 yaşlı forvard matçı milli komandanın direktoru İlqar Qurbanovla birlikdə izləmişdir. Qarşılaşma Misli Premyer Liqasının 8-ci turunda baş tutub və meydanda 3:3 hesabı qeydə alınıb.

Dadaşovun klubu Ukraynanın Bukovina komandasıdır. O, zədə səbəbindən bir müddətdir meydanlardan uzaqdır və hazırda Bakıda müalicə və reabilitasiya prosesindən keçir.

Məlumata görə, onun müalicə və reabilitasiya xərclərini Azərbaycan Futbol Federasiyaları Assosiasiyası (AFFA) öz üzərinə götürüb.

Mənbə: GettoSport