Renat Dadaşov millinin noyabr oyunlarını buraxacaq

27 oktyabr 2026, Çərşənbə axşamı. Azərbaycan millisinin hücumçusu Renat Dadaşov zədəsinin tam sağalmaması səbəbindən yaxın vaxtlarda Ukraynanın Bukovina klubunun düşərgəsinə qayıda bilməyəcək və millinin noyabr oyunlarını buraxacaq.

Bakıda təkrar MRT müayinəsindən keçirilən 27 yaşlı forvardın budun ön hissəsində əzələ yırtığı müəyyən edilib. Həkimlər onun ən azı daha bir həftə tibbi nəzarətdə qalmalı olduğunu bildiriblər; sağalmasının noyabrın sonu və ya dekabrın əvvəlinə qədər davam edə biləcəyi qeyd olunur.

Dadaşov daha əvvəl Bukovina ilə müqavilə imzalamışdı. Zədə ona UEFA Millətlər Liqasının üçüncü turunda Litvaya qarşı oyunda (1:0) baş verən toqquşma nəticəsində yaranıb — o qarşılaşmanın ikinci yarısında zədələnmişdi. Nəticədə o, həm Ukrayna klubunun qarşıdakı bir neçə matçını, həm də Azərbaycan yığmasının Millətlər Liqasında 13 noyabrda Lixtenşteynlə və 3 gün sonra keçiriləcək yoldaşlıq görüşündə Andorra ilə planlaşdırılan oyunlarını buraxacaq.

Bukovina hazırda Lazımi tibbi imkanlara malik olmadığını bildirərək Dadaşovu lazımınca müalicə edə bilməyəcəklərini söyləyib. AFFA ilə əlaqə saxlayan oyunçuya federasiya bütün xərcləri üzərinə götürərək onun Bakıya qayıtmasını təmin edib və müalicə prosesini nəzarətdə saxlayır.

Mənbə: GettoSport