Renatu Sançeşin transferi Qarabağ tərəfindən təkzib edildi

13 oktyabr 2026 — Ağdamın Qarabağ klubu Portuqaliya millisinin sabiq üzvü Renatu Sançeşin transferi ilə bağlı yayılan məlumatları təkzib edib.

Bir neçə xəbərdə 29 yaşlı yarımmüdafiəçinin klubsuz olduğu, karyerasını bərpa etmək üçün maaşının əhəmiyyətli dərəcədə azalmasına razı olduğu və Qarabağın ona illik 450 000 avro (təxminən 857 385 manat) maaş təklif etdiyi bildirilmişdi. Həmin mənbələrdə Sançesin təklifə müsbət yanaşdığı da qeyd olunurdu.

Qarabağın mətbuat xidməti yayılan məlumatları həqiqətəuyğun saymayıb. Klubdan verilən rəsmi açıqlamada: “Renatu Sançeşin transferi ilə bağlı yayılan xəbərlər həqiqəti əks etdirmir. Hər hansı rəsmi yenilik olduğu təqdirdə, bu barədə ictimaiyyətə klubun rəsmi informasiya kanalları vasitəsilə məlumat veriləcək” – deyə bildirilir.

Renatu Sançeş 2016-cı ildə Portuqaliya millisi ilə Avropa çempionluğu qazanıb və həmin il “Golden Boy” mükafatına layiq görülüb. O, karyerası ərzində “Benfika”, “Bavariya”, “Lill”, PSJ, həmçinin icarə əsasında “Suonsi”, “Roma” və “Panatinaikos” kimi komandaların formasını geyinib. Mənbələr həmçinin tez-tez zədələnmələrinin onun karyerasına təsir etdiyini vurğulayır.

Mənbə: GettoSport