Rizvan Kuniyev Aleksandr Volkovu MMA əfsanəsi adlandırdı

UFC döyüşçüsü Rizvan Kuniyev oktyabrın 24-də keçiriləcək UFC 333 turnirindəki rəqibi Aleksandr Volkov haqda fikirlərini bölüşüb. O, həmkarını ağır çəkidə Rusiyanın ikinci ən böyük MMA əfsanəsi hesab etdiyini vurğulayıb.

Kuniyevin sözlərinə görə, Volkov karyerası ərzində M-1 və "Bellator" təşkilatlarında çempionluq kəmərinə sahib çıxıb, bir neçə ildir isə UFC-nin zirvəsində qərarlaşaraq əsas iddiaçılardan birinə çevrilib.

Kuniyev rəqibinin universal bacarıqlara malik olduğunu, fiziki ölçülərindən və məsafədən olduqca düzgün yararlandığını bildirib: "Onun həm ölçüləri, həm də hücumçu güləşi və qrapplinqi güclüdür". O, həmçinin Volkovun son qarşılaşmasında Jailton Almeidaya heç bir şans vermədiyini və Las-Veqasda braziliyalı tərəfdaşları ilə apardığı məşqlər sayəsində karyerasının ən uğurlu dönəmini yaşadığını qeyd edib.

Mənbə: GettoSport