Sabah - Barselona matçının biletləri satışa çıxarıldı

UEFA Çempionlar Liqasının əsas mərhələsində İspaniyanın "Barselona" komandasını qəbul edəcək "Sabah" klubunun ev oyununun biletləri satışa çıxarılıb.

Paytaxt təmsilçisinin mötəbər turnir çərçivəsində keçirəcəyi qarşılaşma üçün nəzərdə tutulan biletlərin qiyməti 15 manatdan 1500 manatadək dəyişir. Satış prosesi iTicket.az saytı vasitəsilə onlayn şəkildə həyata keçirilir.

"Sabah" və "Barselona" klubları arasındakı oyun noyabrın 25-də Bakı Olimpiya Stadionunda baş tutacaq. Arenada keçiriləcək görüş saat 21:45-də start götürəcək.

Mənbə: GettoSport