Sabah Çempionlar Liqasında Slaviya üzərində qələbə qazandı

14 oktyabr 2026 — Oktyabrın 13-də Bakı Olimpiya Stadionunda Azərbaycanın çempionu "Sabah" Çempionlar Liqasının Liqa mərhələsində Çexiyanın son çempionu Slaviya ilə qarşılaşıb və ilk qələbəsini qazanıb.

Matçda rəqibin kifayət qədər qol imkanları olmasına və ayrı-ayrı epizodlarda oyuna nəzarəti ələ almasına baxmayaraq, əsas sevinən tərəf "Sabah" oldu.

Oyun sonrası Slaviya azarkeşləri klubun sosial şəbəkə hesablarında narazılıqlarını ifadə ediblər. Paylaşılan şərhlərdə komandanın çıxışının bərbad olduğu, bəxtin gətirmədiyi və ümumilikdə fiasko olduğu bildirilir: “Biz daha yaxşı futbol oynaya bilərik, amma bu oyun əsl fiasko idi. Bütün komanda, bütün futbolçular bərbad çıxış etdilər. Bəzi epizodlarda isə bəxtimiz gətirmədi”.

Digər şərhlərdə hücumçuların oyunu və taktiki seçimlər tənqid edilib: “Üç hücumçu ilə oynamaq axmaqlıqdır... Avropanın ən yüksək səviyyəsində keçməz” və “Bəziləri anlamalıdır ki, bura Konfrans Liqası deyil. Bura Avropanın güclü və imkanlı klublarının mübarizə apardığı Çempionlar Liqasıdır. Təəssüf ki, bəzi futbolçular hələ də bunu başa düşmür.”

Azarkeşlər həmçinin baş məşqçi Trpišovski ilə bağlı etirazlarını dilə gətirərək komandanın qiymətləndirilməsini və nəticələri sual altına alıblar.

Mənbə: GettoSport