Sabah Norveçdə Vikinqə dörd qolla məğlub oldu

Azərbaycan təmsilçisi “Sabah” Norveç səfərində “Vikinq” komandasına 1:4 hesabı ilə uduzub. Bu barədə Sportinfo.az məlumat yayıb.

Görüşə aktiv başlayan “Sabah” 11-ci dəqiqədə Patrik Orfe Mbinanın qolu ilə hesabı açıb. Lakin meydan sahibləri tezliklə oyunda dönüş yaradıblar. Zlatko Tripiç 69-cu dəqiqədə penaltidən qayıdan topu qapıya daxil edərək hesabı önə keçirib: 2:1.

Matçın 77-ci dəqiqəsində Eyden Makkarti qırmızı vərəqə alaraq “Sabah”ı azlıqda qoyub. Say üstünlüyündən məharətlə yararlanan “Vikinq” son dəqiqələrdə daha iki dəfə fərqlənib. Henrik Falçener 81-ci dəqiqədə fərqi artırıb, 90+4-cü dəqiqədə isə Erik Botheym matçın son nöqtəsini qoyub — 4:1.

Qarşılaşma ərzində “Sabah”da məcburi dəyişiklik də baş verib. Zədələnən Veliko Simiç meydanı Coy-Lens Mikelsə tərk edib. Statistikada da Norveç təmsilçisinin zərbələr (21:16), qapıya dəqiq zərbələr (8:4) və künc zərbələri (10:6) üzrə üstünlüyü diqqət çəkib.

Mənbə: Sportinfo.az

Hazırladı: GettoSport