Şamaxı baş məşqçisi Sabah matçından sonra danışdı

Azərbaycan Premyer Liqasının 11-ci turunda noyabrın 8-də keçirilən qarşılaşmada "Sabah" və "Şamaxı" komandaları hərəyə bir xal qazanıblar. Görüş 2:2 hesablı heç-heçə ilə başa çatıb. Bu barədə Offsideplus.az məlumat yayıb.

Matçdan sonra baş tutan mətbuat konfransında "Şamaxı"nın baş məşqçisi Azər Bağırov əvvəlcə xalqımızı Zəfər Günü münasibətilə təbrik edib. Mütəxəssis Çempionlar Liqasında yaxşı mübarizə aparan rəqibə qarşı yaxşı mübarizə apardqılarını bildirib: "Oyunçularım döyüşdü, 1 xal qazandıq, daha çox ola bilərdi. "Sabah"a uğurlar arzu edirəm. İtirilən xallar haqda düşünmək istəmirəm. Uduzsaydıq da, bu sözləri deyəcəkdim".

Komandasında edilən rotasiyalardan danışan çalışdırıcı futbolçulardan meydanda qorxmamağı tələb etdiyini vurğulayıb. O, bütün oyunçulara şans verməyə çalışdığını, dəyişikliklərin daha çox hücum xəttində olduğunu qeyd edib. Emin Rüstəmov isə cari mövsümdə keçirilən 11 matçın hamısında 90 dəqiqə meydanda olub.

Sonda transfer məsələsinə toxunan Azər Bağırov qış fasiləsində heyəti gücləndirmək niyyətində olduqlarını və ən azı bir yeni oyunçu transfer etmək barədə düşündüklərini açıqlayıb.

Mənbə: Offsideplus.az

Hazırladı: GettoSport