Səbailin legionerləri oktyabr maaşından imtina edəcəklər

17 oktyabr 2026 — Qubaya köçməyə hazırlaşan Səbail klubunun legionerləri rəhbərliklə görüşdə oktyabr ayının əməkhaqqını almayacaqları barədə qərarını açıqlayıb. Xarici oyunçular rəhbərliyə bildiriblər ki, əgər komanda bu ay uduzsa və ya heç-heçə edərsə, maaşlarını tələb etməyəcəklər.

Futbolçuların əsas arqumenti komandaya yaradılan yüksək şərait və qarşılığında uğur tələb edilməsi olub. Onlar qeyd ediblər ki, Səbailə Azərbaycana Premyer Liqaya çıxarmaq məqsədilə dəvət olunublar və belə şəraitdə hər görüşdə qalib gəlməyin vacib olduğunu vurğulayıblar.

«Bizə burada hər cür şərait yaradılıb. Bütün istəklərimiz yüksək səviyyədə yerinə yetirilir. Bizim də borcumuz gördüyümüz yaxşı münasibətin qarşılığını verməkdir. Belə şəraiti olan komanda hər oyunda qələbə qazanmalıdır. Çünki «Səbail»i Premyer Liqaya çıxarmaq üçün Azərbaycana dəvət olunmuşuq. İlk turlarda 4 xal itirmişik, bundan sonra mütləq qalib gəlməliyik. Əgər oktyabrda xal itirsək və uduzsaq, biz sizdən bu ayın maaşını istəməyəcəyik».

Qeyd edək ki, Səbail I Liqanın ilk 5 turu ərzində 11 xal toplayaraq turnir cədvəlinin üçüncü pilləsində qərarlaşıb.

Mənbə: GettoSport