Şəfa ev oyunlarına Baku Arena’da qayıtmağa hazırlaşır

27 oktyabr 2026 — Misli Premyer Liqasında çıxış edən «Şəfa» yaxın vaxtlarda ev oyunlarını Bakıda, əvvəllər Şəfa stadionu adlandırılan və indi Baku Arena adlanan arenada keçirməyə hazırlaşır. Klubun vitse-prezidenti Əfran İsmayılov bu barədə məlumat verib.

Təmir işləri və PFL-ə müraciət

İsmayılovun bildirdiyinə görə, stadionda aparılan təmir-bərpa işləri demək olar ki, yekunlaşmaq üzrədir; paltardəyişmə otaqları və skyboxlarda son tamamlama işləri aparılır. Komanda artıq bəzi məşqlərini həmin arenada keçir.

Vitse-prezident deyib: "Arena oyun üçün demək olar ki, hazırdır. FİFA nümayəndələri baxdılar və bildirdilər ki, həqiqətən də çox yaxşı stadiondur və yaxşı düzəltmisiniz. Stadionu çox təriflədilər. Yəqin ki, onların yekun cavabı 2 və ya 4 həftəyə qədər olacaq. Biz də çalışırıq ki, tez bir zamanda cavabı PFL-ə təqdim edək ki, oyunlarımızı öz meydanımızda keçirək."

Əfran İsmayılov həmçinin hazırda ev oyunlarının Sumqayıtda keçirilməsinin komanda üçün çətinlik yaratdığını vurğulayıb: "Bizə də Sumqayıtda oynamaq çətindir. Ev oyunumuz olsa da, elə bil səfərə gedirik."

Qeyd edilir ki, bu mövsüm Premyer Liqaya yüksələn «Şəfa» indiyədək ev oyunlarını Sumqayıtdakı SOCAR Polymer Arena-da keçirir və Baku Arena ilə bağlı FİFA-nın yekun rəyindən sonra PFL-ə müraciət etməyi planlaşdırır.

Mənbə: GettoSport