Sənan Qurbanov FİFA U-15 Dünya Çempionatını yüksək qiymətləndirdi

27 oktyabr 2026 — Milli komandamızın keçmiş çalışdırıcısı Sənan Qurbanov Bakıda təşkil olunan FİFA U-15 Dünya Çempionatının yüksək səviyyədə keçirildiyini vurğulayıb və turnirdəki təəssüratlarını bölüşüb.

Qurbanov bildirib ki, Dünya Çempionatı “çox yüksək səviyyədə keçirilir” və tədbirin təşkilatçılığı, xaricdən gələnlərin qarşılanması ölkəmiz üçün fəxr doğurur: “İlk günlərdən ordayam, əla şərait yaradılıb. Təşkilatçılıq, xaricdən gələnlərin qarşılanması yüksək səviyyədədir. Ölkəmiz üçün qürur duyuram”.

O, həmçinin millimizin oyunlarına münasibət bildirib və gənclərin təcrübə qazanmasının vacibliyini qeyd edib: “Azarkeşlərimizin qarşısında futbolçuların oynaması həyəcanvericidir. Rəqiblər güclüdür. Haitinin bir neçə keyfiyyətli futbolçu var idi. Bizdən üsten oynadılar. Mən də razıyam ki, futbolçularımız oyundan-oyuna həyəcanı üstlərindən ata bilir.”

Qurbanov çıxışında komandamızın İsrailə qarşı qələbəsini xatırlayıb, Haitiyə qarşı oyunda isə komandanın rəqib qapısı qarşısında təhlükəli epizodlar yaratdığını və penalti qazandığını qeyd edib: “İsrailə qalib gəldik, Haiti ilə oyunda da rəqib qapısı qarşısında təhlükəli epizodlar yaratdıq, penalti qazandıq. Futbolçuların bunu görməsi inkişaf deməkdir”.

Dünən komandanın ikinci oyununa “Sabah” klubunun futbolçuları Umarali Raxmonaliyev və Abdulla Xaybullayevlə gəldiyini deyən Qurbanov milli komandamızın bir üzvü barədə də fikirlərini bildirib: “Onu uzun illərdir tanıyıram. ‘Anji’ yetirməsidir. Parlaq vaxtlarını ‘Sabah’da keçirir. Xarakteri hesabına A milliyə qədər yüksəlib. Gənc futbolçudur. Üzərində işləməyi də sevindirici haldır”.

Mənbə: GettoSport