Sərhədçi və Elite Çövkən Liqasında qalib gəldilər

17 oktyabr 2026 — Peşəkar Çövkən Liqasında 15-ci tur başa çatıb. Turda liderlər öz qarşılaşmalarından üç xalla ayrılaraq çempionluq mübarizəsini davam etdiriblər.

Turnirin lideri Sərhədçi səfərdə Xəzər üzərində 3:1 hesablı qələbə qazanıb. Erkən qol buraxan sərhədçilər sonradan oyunun gedişatını ələ alaraq matçı böyükhesabla bitiriblər.

Turnirin ən gərgin görüşlərindən sayılan Zəfər — Elite matçında isə çempionluğa iddialı Elite 2:1 hesabı ilə qalib gəlməyi bacarıb. Zəfər komandasının erkən hesabı açmasına baxmayaraq Elite qarşılaşmanın taleyini öz xeyrinə həll edib.

Digər nəticələrdə Şamaxı Omarı 4:1 hesabı ilə məğlub edib, Embawood isə autsayder Atilla üzərində 8:0 kimi böyükhesablı qələbə qazanıb. Buta Goldenin yarışlardan imtinası səbəbindən Polad komandasına 6:0 hesablı texniki qələbə verilib.

Çempionatın başa çatmasına üç tur qalmış turnir cədvəlində Sərhədçi 39 xalla liderdir. Elite 38 xalla ikinci, Polad isə 34 xalla üçüncü pillədədir. Çempionluğun taleyi növbəti turlarda bu üç komandanın bir-biri ilə oyunlarında müəyyənləşəcək.

Mənbə: GettoSport