Şey Gilgeous-Alexander Deygnoltla münasibətindən danışdı

4 noyabr 2026 — Oklahoma City Thunder-in ulduz oyunçusu Şey Gilgeous-Alexander baş məşqçi Mark Deygnoltla illər ərzində formalaşan münasibətlərindən danışıb. Bu barədə Offsideplus.az məlumat yayıb.

Gilgeous-Alexander münasibətlərinin daim hamar olmadığını etiraf edib: "Hər zaman hər şey gözəl və mehriban olmur. Bəzən mən ona əsəbləşirəm, bəzən də o, mənə susmağımı deyir. Bəzən o haqlıdır, bəzən isə mən – ən azı, mən belə düşünürəm."

O, meydançadan kənardakı əlaqələrinin bir-birilərinin niyyətini və yanaşmasını daha yaxşı anlamağa kömək etdiyini vurğulayıb: "Amma deyə bilərəm ki, meydançadan kənardakı münasibətimiz sayəsində bir-birimizi daha yaxşı anlayırıq. Bu, hər şeyi bir arada saxlayan əsas amildir."

Gilgeous-Alexander həmçinin komandada əsas hədəfin qalmaqal deyil, qələbə olduğunu qeyd edib: "Hər ikimiz niyyətimizi bilirik – basketbol oyununu qazanmaq. Əsas məqsədimiz budur. Bu ortaq hədəfi bölüşürük və hər axşam ona doğru irəliləməyə çalışırıq."

Mənbə: Offsideplus.az

Hazırladı: GettoSport