Slavik Alxasov Şahdağ Qusar məğlubiyyətini şərh etdi

23 oktyabr 2026 — Səbail-in 33 yaşlı müdafiəçisi Slavik Alxasov Azərbaycan Birinci Liqasının 6-cı turunda Şahdağ Qusar-a 0:1 hesabı ilə məğlub olduqları oyunu şərh edib. O, həm oyunun gedişindən, həm də komandanın mövsümün sonundakı Premyer Liqaya qayıtmaq perspektivindən danışıb.

Alxasov bildirib ki, rəqib də çempionluq uğrunda mübarizə aparan komandalardan olduğundan qarşılaşmaya ciddi hazırlaşıblar və meydana qələbə üçün çıxıblar: “Bilirdik ki, Şahdağ Qusar da bizim kimi çempionluğa oynayır. Qələbə qazanmaq, 3 xal əldə etmək istəyirdik. Ancaq alınmadı.”

Müdafiəçi qol buraxdıqdan sonra komandasının qırmızı vərəqə almasının oyun planlarını pozduğunu vurğulayıb: “Qol buraxdıqdan sonra qırmızı vərəqə almağımız oyun planlarımızı pozdu. Futboldur, belə hallar olur. Bu dəfə alınmadı”.

Alxasov çempionatın hələ yeni olduğunu, 6 turdan sonra qarşıda çox oyunların olduğunu xatırladıb və nəticə çıxarıb yoluna davam etmək lazım olduğunu söyləyib. Mövsüm sonunda Premyer Liqaya qayıtmaqla bağlı isə o, ümidli olduğunu deyib: “İnşallah, biz buna inanırıq. Komanda olaraq inanmasaq, əlbəttə ki, heç nə alınmaz”.

Mənbə: GettoSport