Slaviya baş məşqçisi və oyunçuları Bakıda azarkeşlər qarşısında diz çökdü

14 oktyabr 2026-cı il — Praqanın Slaviya klubunun baş məşqçisi Yindrjix Trpişovski və oyunçuları Çempionlar Liqasının əsas mərhələsinin ikinci turunda Bakı Olimpiya Stadionunda keçirilən "Sabah"la matçdan sonra azarkeşlərin ayrılmış sektorunun qarşısında diz çökərək onlara təşəkkür ediblər.

Oyunun sonunda baş verən jest Çexiya mətbuatının məlumatına əsasən qonaq komandanın tərəfdarlarına minnətdarlıq ifadəsi kimi həyata keçirilib. Bununla yanaşı, matçın girişində təxminən 200 Slaviya azarkeşinin biletlə bağlı çətinliklərlə üzləşdiyi bildirilib — təhlükəsizlik sistemi onların biletlərini etibarsız saymış və vəziyyətə klubun azarkeşlərlə iş üzrə nümayəndəsi müdaxilə etmək məcburiyyətində qalıb.

Məlumatda qeyd olunur ki, problemlər biletlərin satış qaydasında edilən dəyişikliklərlə bağlı ola bilər: klub qonaq azarkeşlər üçün nəzərdə tutulan sektordakı biletlərin qiymətini əvvəlki 30 avrodan 7,5 avroya endirib, bununla əlaqədar əvvəllər alınmış vauçerlər ləğv edilərək vəsaitin geri qaytarılacağı bildirilmiş və yeni qiymətlərlə yenidən satış təşkil olunub.

Bakıda qeydə alınan məğlubiyyət Çexiyada sərt reaksiya doğurub. Çeşidli nəşrlər nəticəni uğursuzluq və klubun Avropadakı çıxışının narahatlıq doğurduğu konteksində qiymətləndiriblər. Həmçinin xatırladılıb ki, Slaviya 2007-ci ildən bəri Çempionlar Liqasında qələbə qazana bilməyib və uğursuz seriya artıq 20 oyuna çatıb.

Qeyd edək ki, Bakı klubunun əsas mərhələdəki ilk qələbəsi Kahim Parris və Coi-Lens Mikelin qolları sayəsində qeydə alınıb; Slaviya isə ardıcıl ikinci məğlubiyyətlə üzləşib.

Mənbə: GettoSport