Soçi Rusiyada ardıcıl dördüncü qələbəni qazandı

25 oktyabr 2026 — Azərbaycan millisinin hücumçusu Ramil Şeydayevin formasını geyindiyi Soçi komandası Rusiya Birinci Liqasının 15-ci turunda səfərdə Tekstilşik üzərində qələbə qazanaraq ardıcıl dördüncü dəfə üç xal əldə edib.

Görüşdə hesabı 8-ci dəqiqədə meydan sahiblərinin futbolçusu Aleksandr Pomalyuk açıb. Soçi 13-cü və 63-cü dəqiqələrdə Mixail İqnatovun qolları ilə üstünlüyə yüksəlib. 67-ci dəqiqədə Zahar Fyodorov penaltidən faydalanaraq oyunun yekun nəticəsini müəyyənləşdirib.

Tekstilşikdən Pomalyuk ikinci hissədə penalti imkanını qaçırıb. Ehtiyat oyunçular skamyasında yer alan Ramil Şeydayev 75-ci dəqiqədə meydança daxil olaraq Zahar Fyodorovu əvəzləyib.

Bu qələbədən sonra Soçi 32 xala yüksələrək turnir cədvəlində ikinci sırada qərar tutub.

Mənbə: GettoSport