Stas Pokatilov: Sabah Borussiyaya qarşı heç-heçəyə layiq idi

21 oktyabr 2026 — Sabah klubunun qapıçısı Stas Pokatilov oktyabrın 20-də Bakı Olimpiya Stadionunda Dortmund "Borussiya"ya qarşı keçirilən UEFA Çempionlar Liqasının üçüncü tur oyunundan sonra komandası haqqında danışıb. Oyunda Azərbaycan təmsilçisi 1:2 hesabı ilə uduzub.

Pokatilov görüşün ardından bildirib ki, komanda ən azı heç-heçəyə layiq idi: “Hazırda nə emosiyam, nə də gücüm qalıb. Ən azı uduzmamağı çox istəyirdik və düşünürəm ki, bunun üçün imkanlarımız var idi. Amma “Borussiya” artıq başqa səviyyədir, “Slaviya” deyil.”

Qapıçı debutant komanda kimi layiqli təsir bağışladıqlarını və ilk dəqiqələrdən yaxşı oynadıqlarını vurğulayıb: “Hesab edirəm ki, debütant komanda kimi layiqli oyun göstərdik, xüsusilə də ilk dəqiqələrdən yaxşı təsir bağışladıq. Eyni ruhda davam edəcəyik.”

Pokatilov həmçinin Praqa "Slaviya"sına qarşı matçdan sonra Çempionlar Liqasının ikinci turunun rəmzi komandasına düşməsinə münasibət bildirib və fərdi uğurlardan daha çox komandanın nəticələrinə önəm verdiyini qeyd edib. O, əsas mərhələdə çıxış etməyin şəxsi və nümunəvi məna daşıdığını əlavə edib: “Bu, yüz faiz arzudur. Demək olar ki, adi həyətlərdən futbola başlayan qazaxıstanlı uşaqlar üçün nümunədir.”

Qeyd edək ki, üç turdan sonra Sabahın aktivində üç xal var.

Mənbə: GettoSport