Stefan Miliçeviç 2050‑ci ilə qədər diskvalifikasiya edildi

15 oktyabr 2026 — Beynəlxalq Tennis Dürüstlüyü Agentliyinin qərarına əsasən serbiyalı tennisçi Stefan Miliçeviç 2026-cı ilin oktyabrın 9-dan etibarən 2050-ci ilin oktyabrın 8-dək diskvalifikasiya olunub.

29 yaşlı Miliçeviçə antikorrupsiya qaydalarını pozduğuna görə 24 il müddətinə qadağa tətbiq edilib və o, 70 min dollar məbləğində cərimələnib.

Araşdırma göstərib ki, 2022–2024-cü illərdə Miliçeviç altı danışılmış oyunun təşkilində iştirak edib; həmin qarşılaşmaların beşində o, özü də korta çıxıb. Həmçinin onun daha altı görüşün nəticəsinə qanunsuz təsir göstərməyə cəhd etdiyi və digər peşəkar tennisçiləri danışılmış oyunlara cəlb etməyə çalışdığı müəyyənləşdirilib.

ITIA qeyd edib ki, Miliçeviç araşdırma zamanı əməkdaşlıq etməyib və agentliyin əlaqə cəhdlərinə cavab verməyib. Diskvalifikasiya periodunda o, ATP, WTA, Böyük dəbilqə turnirləri, Dünya Tennis Turu və milli federasiyaların təşkil etdiyi yarışlarda həm oyunçu, həm də məşqçi kimi iştirak edə bilməyəcək.

Məlumatda həmçinin vurğulanır ki, Miliçeviçin karyerasındakı ən yüksək ATP reytinq mövqeyi 1338-ci pillə olub.

Mənbə: GettoSport