Turan Çempionlar Liqasına hazırlaşır, 11 transfer etdi

19 oktyabr 2026 — Tovuz: “Turan” voleybol klubunun prezidenti Həsən Zeynalov klubun qısa müddətdə Azərbaycan çempionu olduğunu, indi isə Komandanın Çempionlar Liqasında debütə hazırlaşdığını açıqlayıb.

Zeynalov bildirib ki, klubun infrastrukturu beynəlxalq tələblərə uyğundur və sponsor dəstəyi ilə fəaliyyət davam edir. O, həm idman, həm də maliyyə tərəfdən Avropanın aparıcı klubları ilə rəqabət üçün hazırlıqların aparıldığını vurğulayıb.

Prezidentin sözlərinə görə, komanda heyətində ciddi yenilənmə həyata keçirilib — ümumilikdə 11 yeni voleybolçu transfer olunub. Bu addımın məqsədi həm Çempionlar Liqasında uğur qazanmaq, həm də yerli çempionatda liderliyi qorumaqdır.

Həsən Zeynalov regionda voleybola marağın artdığını, xüsusilə uşaqların kluba yazılmağa başladığını qeyd edib. “Turan” Voleybol Akademiyasının artıq dörd ildir fəaliyyət göstərdiyini bildirən prezident akademiyanın gələcəkdə daha da genişləndiriləcəyini söyləyib.

Zeynalov həmçinin klubun uzunmüddətli dayanıqlığını təmin etmək üçün sponsorlarla fəal iş apardıqlarını və bu mövsüm maliyyə problemləri yaşamamağı ümid etdiklərini deyib.

Mənbə: GettoSport