UEFA Sabah klubunun məğlubiyyəti barədə məqalə dərc etdi

UEFA-nın rəsmi internet səhifəsində Çempionlar Liqasının əsas mərhələsinin dördüncü turunda qeydə alınan nəticələrə diqqət çəkilib. Qurum Azərbaycan təmsilçisi "Sabah"ın "Vikinq"ə 4:1 hesabı ilə məğlub olduğu qarşılaşmadan yazıb. Bu barədə Sportinfo.az məlumat yayıb.

Avropa futbolunun ali qurumunun dəyərləndirməsində rəqib komandanın matç ərzində daha fəal təsir bağışladığı və çoxsaylı təhlükəli vəziyyətlər yaradaraq turnirdə ilk qələbəsini qazandığı qeyd olunub.

Görüşdə hesabı 11-ci dəqiqədə qonaqlar açıb. Umarali Raxmonaliyevin ötürməsindən istifadə edən Orfe Mbina fərqlənib. Lakin fasilədən əvvəl Erik Botheim Kristoffer Höqenin ötürməsini dəyərləndirərək tarazlığı bərpa edib.

İkinci hissədə təzyiqi artıran ev sahibləri Zlatko Tripiçlə hesabda irəli çıxıblar; o, penaltini dəqiq yerinə yetirib. Oyunun son dəqiqələrində qonaqların heyətində müdafiəçi Aiden Makkarti qırmızı vərəqə alaraq meydandan kənarlaşdırılıb. Azlıqda qalan rəqib qarşılaşmanın sonluğunda yenə qollar vurub: Henrik Falkener künc zərbəsindən sonra başla fərqlənib, Erik Botheim isə matçda ikinci dəfə qol sevinci yaşayıb.

Mənbə: Sportinfo.az

Hazırladı: GettoSport