Van Deyk Kloppun karyerasında rolunu açıqladı

20 oktyabr 2026 — "Liverpul"un kapitanı Vircil van Deyk "Man About Town" jurnalına verdiyi müsahibədə sabiq baş məşqçi Yurgen Kloppun onun karyerasında xüsusi rol oynadığını və münasibətlərinin bu gün də davam etdiyini açıqlayıb.

Hollandiyalı müdafiəçi ilk görüşdən etibarən Kloppla münasibətlərinin yaxşı olduğunu vurğulayıb: "Onunla ilk görüşümüzdən hər şey möhtəşəm idi. Klopp çox açıq və birbaşa danışan insandır. İlk gündən klubdan ayrıldığı vaxta qədər münasibətlərimiz həmişə çox yaxşı olub. O, mənim üçün çox şey ifadə edir və biz hələ də əlaqə saxlayırıq".

Van Deyk 2018-ci ilin yanvarında "Liverpul"a keçərkən həmin dövr üçün dünyanın ən bahalı müdafiəçisi olmuşdu və Kloppun ona göstərdiyi etimada toxunub: "Transfer məbləği ətrafında çoxlu söz-söhbət var idi. Amma mən baş məşqçinin mənə nə qədər güvəndiyini çox güclü hiss edirdim".

Müdafiəçi Kloppun rəhbərliyi altında komanda ilə Premyer Liqa və Çempionlar Liqasını qazandığını xatırlayıb, lakin karyerasında yalnız bir şəxsi digərlərindən üstün tutmaq istəmədiyini bildirərək əlavə edib: "Heç kimi başqalarından üstün tutmağı xoşlamıram. Amma Klopp mənə ən çox təsir göstərən insanlardan biridir".

Mənbə: GettoSport