Vangelis Liolios daxil altı şəxslə bağlı həbs qərarı verildi

21 oktyabr 2026. Yunanıstanın basketbolunda danışılmış oyunlarla bağlı genişmiqyaslı istintaq nəticəsində ölkə Basketbol Federasiyasının prezidenti Vangelis Liolios da daxil olmaqla altı nəfər barəsində həbs qərarı verilib.

İstintaq 2026-cı ilin aprelində Marussi klubunun federasiyanın fəaliyyəti və prezident barədə təqdim etdiyi şikayət əsasında başlayıb. Daha sonra danışılmış oyunlarla bağlı səkkiz əlavə şikayət daxil olub və araşdırma genişləndirilib.

Prokurorluğun araşdırdığı dövrdə son on ildə keçirilmiş 50 basketbol qarşılaşması yoxlanılıb. Şübhəli oyunların çərçivəsi məktəb yarışlarından ölkənin yüksək liqasına qədər müxtəlif səviyyələri əhatə edib; araşdırmada həmçinin xaricdə keçirilmiş bir qarşılaşma da daxil edilib.

İstintaq zamanı dindirilən şahidlərdən ikisi klub rəsmilərindən pul aldıqlarını etiraf edib. Mənbələrə görə, onlar könüllü ifadə verdiklərinə görə cinayət məsuliyyətinə cəlb edilməyəcəklər.

Araşdırma çərçivəsində əyalətdə yaşayan hakimlərdən birinin evində 800 min avro nağd pul aşkar edilib. Məlumata görə, bu məbləğin həmin hakimin qanuni gəlirləri ilə əsaslandırılması mümkün olmayıb.

Mənbə: GettoSport