Velko Simiç: Sabah Dortmundla oyunda rəqabət apardıq

21 oktyabr 2026 — Sabahın müdafiəçisi Velko Simiç UEFA Çempionlar Liqasının əsas mərhələsinin üçüncü turunda evdə Borussia Dortmundla 1:2 hesablı məğlubiyyətdən sonra verdiyi açıqlamada matçın böyük hissəsində rəqabət apara bildiklərini bildirib.

Simiç müsahibəsində “Düşünürəm ki, matçın böyük hissəsində həqiqətən çox güclü komandaya qarşı mübarizə apara biləcəyimizi göstərdik. Təəssüf ki, sonda istədiyimiz nəticəni əldə edə bilmədik. Amma bu performansın üzərində işləyə bilərik və inanıram ki, qrup mərhələsində daha çox xal qazanacağıq” sözlərini söyləyib. O, həmçinin rəqibin yüksək keyfiyyətinə görə oyunun bəzi anlarında təzyiqə məruz qaldıqlarını vurğulayıb.

Futbolçu ikinci hissədə Dortmundun daha müdafiə yönümlü oynadığını qeyd edib və komandanın diqqət etməli olduğu məqamları açıqlayıb: “Gələcək oyunlarda diqqət etməli olduğumuz məqam ilk hissənin ilk 15 dəqiqəsi və ikinci hissənin ilk 10-15 dəqiqəsidir. Həmin anlarda sanki meydanda deyildik, oyuna tam hazır görünmürdük.”

Simiç həmçinin növbəti qarşılaşmalara toxunub və komandanın sıx oyun təqvimindən danışıb: “Bu ay oyun təqviminiz çox çətindir. Növbəti matçınız Qarabağla olacaq. Bəli, oyun təqvimimiz həqiqətən çətindir. Çempionlar Liqasında matçlarımız var idi, çempionatda Neftçi ilə qarşılaşdıq, indi isə bizi Qarabağla oyun gözləyir. Amma bu, bizim istədiyimizdir. İndi bu matçı unutmalı və Qarabağla derbiyə hazırlaşmalıyıq.”

Mənbə: GettoSport