Vensan Kompani məşqdən sonra huşunu itirdi və xəstəxanaya aparılıb

23 oktyabr 2026 — Bavariya klubunun baş məşqçisi Vensan Kompani məşqdən sonra huşunu itirərək təcili olaraq xəstəxanaya aparılıb. Hadisə Münhen şəhərində klubun məşq bazasında baş verib.

Sky Sport Germany-yə istinadən verilən məlumata görə, Kompani özünü pis hiss edərək yerə yıxılıb və tibbi yardım maşını ilə xəstəxanaya aparılıb. Hadisə zamanı klubun bazasına əvvəlcə tibbi helikopter də enib.

Məlumatda qeyd olunur ki, 40 yaşlı mütəxəssis ötən həftə virus infeksiyasına yoluxub və bu, əvvəlki çapıq toxumalarında problemlər yaradaraq pilləkənlə qalxmasını çətinləşdirib. Kompani oktyabrın 17-də RB Leypsiq ilə keçirilən matçın fasiləsində və qarşılaşmadan sonra məşqçilər otağında dincəlməli olub və həmin matçdakı mətbuat konfransında iştirak etməyib.

Hazırda Kompaninin səhhəti ilə bağlı klubdan rəsmi və ətraflı açıqlama verilməyib. Qeyd edək ki, Bavariya oktyabrın 25-də Bundesliqanın yeddinci turunda Frayburqla üz-üzə gələcək.

Mənbə: GettoSport