Vensan Kompani xəstəxanaya yerləşdirilib, Eberl açıqladı

24 oktyabr 2026 — Bayern Münhenin idman direktoru Maks Eberl klubun baş məşqçisi Vensan Kompaninin məşq zamanı huşunu itirərək xəstəxanaya yerləşdirildiyini və onun hazırda orada müalicə olunduğunu açıqlayıb.

Eberl bildirib ki, Kompaninin vəziyyəti stabildir: "Ən yaxşı xəbər odur ki, onun vəziyyəti stabildir. Hər kəs üçün çətin anlar idi. Kompani meydanda huşunu itirdi və hazırda xəstəxanadadır. Hadisənin dəqiq səbəbini müəyyənləşdirmək və müayinələri yekunlaşdırmaq üçün o, daha bir neçə gün xəstəxanada qalacaq."

İdman direktoru həmçinin vurğulayıb ki, klub üçün ən vacib məsələ məşqçinin sağlamlığıdır və Kompani yalnız tam sağalandan sonra işinə qayıdacaq. Eberl bütün klub adından Vensana tezliklə sağalma arzulayıb.

Mənbə: GettoSport