Vitali Kovalyov Sabahın Çempionlar Liqasındakı uğurunu şərh etdi

17 oktyabr 2026. Sabahın sabiq qapıçılar üzrə köməkçi məşqçisi Vitali Kovalyov Masazırda çalışdığı altı ildən artıq müddəti və klubun Çempionlar Liqasındakı uğurlu çıxışı ilə bağlı fikirlərini bölüşüb.

Kovalyov ilk olaraq Slaviya üzərində qələbəni yüksək qiymətləndirib və qarşılaşmanı stadiondan canlı izlədyini söyləyib: "Oyundan əvvəl də aydın idi ki, bizi çox çətin və gərgin mübarizə gözləyir. Rəqib... Çünki komanda Çempionlar Liqasında əvvəlki 26 oyunda qələbə qazana bilməmişdi." O, "Sabah"ın oyuna ciddi hazırlaşdığını və yaradılan qol imkanlarını dəyərləndirdiyini vurğulayıb.

Qapıçının çıxışını ayrıca qeyd edən Kovalyov Stas Pokatilovun oyunda çox etibarlı olduğunu bildirib: "O, çox etibarlı oynadı, bir neçə mühüm epizodda komandasına kömək etdi. Həm müdafiə, həm də hücum fazalarında üzərinə düşən vəzifələri yaxşı yerinə yetirdi."

Kovalyov müasir futbolda qapıçının rolunun yalnız qapını qorumaqdan ibarət olmadığını, oyun quruculuğunda iştirak və düzgün qərarların vacibliyini qeyd edib və Pokatilovun bu tələblərə cavab verdiyini əlavə edib.

Uzunmüddətli iş və klubun inkişafı

Sabahda ümumilikdə təxminən altı il–dörd ay çalışan mütəxəssis klubun daxili mühiti, kadr seçimi və idarəçilik strategiyasının uğarda mühüm rol oynadığını vurğulayıb. "Güclü komanda yaratmaq vaxt və səbir tələb edir, lakin düzgün yanaşma, peşəkar idarəçilik və doğru seçimlə nisbətən qısa müddətdə də rəqabətədavamlı komanda formalaşdırmaq mümkündür," — deyə Kovalyov bildirib.

O, klubun yalnız əsas komanda ilə məhdudlaşmadığını, infrastruktura və akademiyaya edilən sərmayələrin də ümumi inkişafın tərkib hissəsi olduğunu söyləyib və "Sabah"ın əldə etdiyi nəticələrin təsadüf olmadığını vurğulayıb.

Mənbə: GettoSport