Xaqan Əhməd və Ləman Hacıyeva Azərbaycan çempionu oldular

2 noyabr 2026 — Rapid və blits növləri üzrə kişi və qadınlar arasında Azərbaycan şahmat çempionatı yekunlaşıb. Kişilərdən Xaqan Əhməd 14 xalla ölkə çempionu adını qazanıb, qadınlarda isə Ləman Hacıyeva 14 xalla turniri birinci yerdə bitirib. Bu barədə Sportinfo.az məlumat yayıb.

Kişilərin yarışında ikinci yeri 13,5 xalla Əhməd Əhmədzadə tutub. Üçüncü yerə 12,5 xalla Xəzər Babazadə layiq görülüb; Allahverdi Həmidov da eyni xala malik olsa da, əlavə göstəricilər üzrə dördüncü yerdə qalıb.

Qadınlarda ikinci yeri 13 xalla Türkan Məmmədyarova əldə edib. Mələk İsmayıl turniri 11,5 xalla üçüncü sırada başa vurub.

Yekun mərasimdə qalib və mükafatçılara medal və diplomlar Azərbaycan Şahmat Federasiyasının prezidenti Mahir Məmmədov və federasiyanın vitse-prezidenti Faiq Həsənov tərəfindən təqdim edilib. Turnirin ümumi mükafat fondu 10 000 manat təşkil edib.

Mənbə: Sportinfo.az

Hazırladı: GettoSport