Yann Kayozaq alçaldıcı məğlubiyyəti qəzəblə şərh etdi

05 noyabr 2026. Fransa klubu Lansın baş məşqçisi Yann Kayozaq Çempionlar Liqasının qrup mərhələsinin 4-cü turunda Komonla 1:9 hesablı məğlubiyyətdən sonra bu nəticəni "alçaldıcı" adlandırıb və komandasının vəziyyətinə münasibət bildirib. Bu barədə Offsideplus.az məlumat yayıb.

Kayozaq Canal+ kanalına açıqlamasında matçın komandaya ağır zərbə olduğunu vurğulayıb: "Komandaya nə dediyimi açıqlamaq istəmirəm, bu, paltardəyişmə otağında qalacaq. Yadıma gələn yeganə söz alçaldılmaq hissidir. Bütün komponentlərdə bizdən üstün oldular. İndi bu nəticəyə izah tapmaq çətindir."

Mütəxəssis əlavə edib ki, komanda hər şeyi təhlil edəcək və bazar günü Marsel ilə keçirəcəkləri oyuna hazırlaşacaq: "Özümüzə fokuslanacağıq, hər şeyi təhlil edəcəyik, yaxşı və pis tərəfləri müəyyənləşdirəcəyik və bazar günü 'Marsel'lə oyuna hazırlaşacağıq. Burada əsas məsələ ləyaqət hissidir... Əgər təslim olacağımı düşünürsünüzsə, məni yaxşı tanımırsınız. Başımızı dik tutub yolumuza davam edəcəyik."

Qeyd edək ki, Kayozaq Lansın baş məşqçisi kimi indiyədək 8 oyunda 3 qələbə qazanıb, 5 dəfə məğlub olub.

Mənbə: Offsideplus.az

Hazırladı: GettoSport