Yoško Qvardiol Barselonanın transfer radarında qaldı

4 noyabr 2026 — Kataloniya klubu "Barselona" "Mançester Siti"nin xorvatiyalı mərkəz müdafiəçisi Yoško Qvardiolu uzunmüddətli hədəflərinə daxil edib və oyunçunu diqqətdə saxlayır. Bu barədə Offsideplus.az məlumat yayıb.

Baş məşqçi Hansi Flikin oyun tərzinə və müdafiə planlarına uyğunluğu səbəbindən 24 yaşlı Qvardiol "Barsa"nın prioritetləri arasında yer alıb. Qvardiolun "Mançester Siti" ilə müqaviləsinin 2031-ci ilin iyununa qədər qüvvədə olduğu qeyd olunub.

İngiltərə klubu hazırda ulduz müdafiəçini satmaq niyyətində deyil və potensial transfer reallaşacağı təqdirdə məbləğin 100 milyon avronu aşacağı proqnozlaşdırılır. Həmçinin, iki klub arasında rəsmi əlaqə və ya danışıqların hələ başlamadığı bildirilir.

Klub səviyyəsində vəziyyətin yalnız izlənildiyi və hər hansı gedişin uzunmüddətli planlaşdırmaya bağlı olacağı vurğulanıb.

Mənbə: Offsideplus.az

Hazırladı: GettoSport