Zakaria Savo hələ hansı millidə oynayacağını açıqlamadı

14 oktyabr 2026, Çərşənbə. "Qarabağ"ın hücumçusu Zakaria Savo klubun açıqlamasında zədədən sonrakı bərpa prosesinin yaxşı keçdiyini, gələn tur "Neftçi" ilə matça 3 xalla getmək istədiklərini və milli komandası ilə bağlı qərar vermədiyini bildirib.

Savo tibbi heyətin üzərində yaxşı iş gördüyünü dedi: "Bərpam çox yaxşı keçdi. Tibbi şöbəmiz üzərimdə çox yaxşı işlədi, çox əziyyət çəkdi. Şadam ki, zədədən bərpa olunaraq, yaşıl meydanlara qayıtdım."

Qarabağın avrokubokların əsas mərhələsindən kənarda qalmasına da toxunan hücumçu bunun yalnız onunla bağlı məsələ olmadığını vurğulayıb: "Belə demək olmaz. Çünki nəticə yalnız məndən asılı deyil. Komandada 25-30 futbolçu var. Futbol – kollektiv idman növüdür. Konfrans Liqasının əsas mərhələsinə vəsiqə qazana bilməməyimizə görə çox pis oldu. İndi bütün fikrimizi çempionluğa yönəltmişik. Hədəfimiz budur."

Gələn tur "Neftçi" ilə oyuna hazırlaşdıqlarını bildirən Savo məqsədi belə ifadə edib: "Hədəfimiz 3 xaldır. Güclü rəqib, çox yaxşı komanda olduğunu bilirik. Amma biz də 'Qarabağ'ıq. Məqsədimiz qalib gəlməliyik."

Milli komanda seçimi barədə isə hücumçu dəqiq cavab verməyib. Anasının İsveçdən, atasının Qambiyadan olduğunu xatırladan Savo gülərək dedi: "Mən bilmirəm. Anam İsveçdən, atam Qambiyadandır. Hansı ölkədən çağırsalar, mən hazıram."

Mənbə: GettoSport