AFFA məşqçilər üçün maarifləndirici təlim keçirib

7 oktyabr 2026-də AFFA-nın Futbolun İnkişafı Departamenti çərçivəsində Qarabağ, Zirə və Ulduz futbol akademiyalarının məşqçiləri üçün maarifləndirici təlim keçirilib.

Təlimdə akademiyalara nəzarət və keyfiyyət standartları, 5 ulduz sertifikatlaşdırma modeli, qiymətləndirmə və xal toplama mexanizmi, oyunçuların inkişaf yolu, yaş qrupları üzrə inkişaf və keçid, məşq prosesinin planlaşdırılması və oyunçu profillərinin müəyyənləşdirilməsi mövzularında məlumat verilib.

Həmçinin “Eyeball” platformasının futbolçuların fərdi texniki göstəricilərinin təhlili, inkişaf ehtiyaclarının müəyyənləşdirilməsi və inkişaf prosesinin monitorinqi sahəsində yaratdığı imkanlar barədə təqdimat keçirilib.

Təlimdə aşağıdakı şəxslər iştirak edib:

• supervayzer Sakit Rzayev
• “Eyeball” platforması üzrə layihə meneceri Ziya Əskərov
• koordinator Səid Abasov

Sonda akademiyaların koordinator və məşqçilərinin sualları cavablandırılıb və mövzular ətrafında fikir mübadiləsi aparılıb.