Aleksey Batrakov Avropa nəhənglərinin hədəfinə çevrilib

"Qalatasaray"ın 21 yaşlı rusiyalı yarımmüdafiəçisi Aleksey Batrakov Avropanın nəhəng klublarının transfer marağına səbəb olub. Gənc futbolçunun çıxışını Fransa təmsilçiləri PSJ və "Monako" ilə yanaşı, İngiltərə Premyer Liqasından "Liverpul", "Arsenal", "Mançester Siti", "Çelsi", "Mançester Yunayted", "Nyukasl", "Tottenhem" və "Braytın" yaxından izləyir.

Skautlar rusiyalı oyunçunun meydanı görmə bacarığını, ötürmələrinin dəqiqliyini və hücumdakı fəallığını yüksək qiymətləndirirlər. İddiaçılar arasında yer alan "Liverpul" artıq İstanbul təmsilçisinin rəhbərliyinə müraciət ünvanlayıb. Mersisaydlılar noyabrın 3-də Çempionlar Liqasında keçiriləcək "Qalatasaray" – "Ştutqart" oyununu izləmək məqsədilə xüsusi lojanın təmin olunmasını istəyiblər.

Batrakovun müqaviləsində transfer dəyəri 55 milyon avro olaraq göstərilib. Əgər "Qalatasaray" futbolçunun satışını reallaşdırsa, əldə olunacaq məbləğin 15 faizi onun sabiq komandası "Lokomotiv"ə ödənilməlidir.

Yarımmüdafiəçi cari mövsümdə Türkiyə Super Liqasında keçirdiyi 7 oyunda 2 məhsuldar ötürmə müəllifi olub. Batrakov Çempionlar Liqasında meydana çıxdığı 3 qarşılaşmada isə 2 qol vurmağı bacarıb.

Mənbə: GettoSport