Araz-Naxçıvan I dövrədə qələbə əldə edə bilmədi

8 noyabr 2026. "Araz-Naxçıvan" Misli Premyer Liqasının I dövrəsində keçirdiyi 11 matçın heç birində qələbə qazana bilməyib. Peşəkar Futbol Liqasının rəsmi statistikası komandanın bu dövrdə 4 heç-heçə və 7 məğlubiyyətlə kifayətləndiyini göstərir. Bu barədə Sportal.az məlumat yayıb.

Bu nəticə ilə Muxtar Respublika təmsilçisi ölkə çempionatının startında ardıcıl 11 oyunda qələbəsiz qalmaq antirekorduna imza atıb. Sonuncu dəfə belə uzun qələbəsizlik seriyası 2022/23 mövsümündə qeydə alınmışdı: o vaxt həm "Sumqayıt", həm də "Şamaxı" ilk 11 turda qalib gə bilməmişdi və hər iki komanda 4 xalla məhdudlaşmışdı.

Bu göstərici "Araz-Naxçıvan" üçün klub tarixində I dövrə səviyyəsində mənfi rekordla nəticələnib və komandanın mövsümün ikinci yarısında vəziyyəti yaxşılaşdırmaq üçün islahatlara ehtiyacı olduğu vurğulanır.

Mənbə: Sportal.az

Hazırladı: GettoSport