Arbeloa Fulhemin zəif startına qarşı təcrübəsini xatırlatdı

12 oktyabr 2026 — Fulhem-in baş məşqçisi Alvaro Arbeloa İngiltərə Premyer Liqasında komandasının zəif startı və istefa ehtimalları ilə bağlı fikirlərini açıqlayıb. Arbeloa komandası ilk altı turda cəmi iki xal toplayaraq turnir cədvəlinin sonuncu pilləsindədir.

Mütəxəssis təzyiq altında işləməyə alışdığını vurğulayıb və yaxın zamanlarda komandanın oyununu taparaq nəticələr əldə edəcəyinə inandığını söyləyib. Arbeloa deyib: “Bəlkə də kim olduğumu bilmirsiniz, amma mən dünyanın ən yaxşı klubunda oynamışam və dünyanın ən yaxşı klubunu çalışdırmışam. Ola bilsin, bundan xəbəriniz yoxdur. Sadəcə demək istəyirəm ki, uşaqlıqdan təzyiqlə üzləşmişəm.

O, təzyiqin futbolun təbii hissəsi olduğunu əlavə edib: “Bu, həm futbolçular, həm də məşqçilər üçün futbolun tamamilə təbii bir hissəsidir. Hətta bu təzyiqi hiss etmək xoşuma gəlir və zərrə qədər də qorxmuram. Qorxursansa, futbol məşqçisi ola bilməzsən. Hazırda bizə lazım olan səylə çalışmaq, düzgün qərarlar vermək və futbolçulara inam aşılamaqdır”.

Xatırladaq ki, Arbeloa 2025/2026 mövsümünün ikinci yarısında Xabi Alonsonun vəzifəsindən azad edilməsindən sonra Real Madrid-in baş məşqçisi vəzifəsini müvəqqəti icra edib.

Mənbə: GettoSport