Arsen Venger Bakıda U-15 turnirini tərifləyib və 8x8 formatını məqbul sayıb

1 noyabr 2026 — FİFA-nın Qlobal Futbolun İnkişafı Departamentinin rəhbəri Arsen Venger Bakıda keçirilən U-15 dünya çempionatı barədə fikirlərini bölüşüb. O, turnirin təşkilindən və tətbiq olunan 8×8 formatından məmnunluğunu ifadə edib. Bu barədə Sportinfo.az məlumat yayıb.

Venger qurumun mətbuat xidmətinə bildirib ki, “hər kəs bu turnirə aşiq oldu və hamı onun yenidən keçirilməsini istəyir.” O, meydandakı oyunçu sayının azaldılmasının rəqiblər arasındakı fərqləri azaltmağa kömək etdiyini vurğulayıb və hər matçın intensivliyi ilə futbolçuların əzmkarlığının yüksək olduğunu qeyd edib.

Fransalı mütəxəssis 8×8 formatının diqqəti artırdığını və oyunçuların inkişafına dəstək verdiyini söyləyib: “Bu format diqqəti çox dəstəkləyir və futbolçularda bu, inkişaf edir. Turnirdə oyunçuların texniki səviyyələri artır, komandalar sürətli hücumlar edirdilər.”

Venger həmçinin 8×8-in 11×11-ə nisbətən səbir tələbini azaltdığını vurğulayıb: “Çünki burada bir komanda topu qazananda dərhal təhlükə yarada bilir. Bu, azarkeşlərin marağını cəlb edir və onlar oyundan zövq alırlar.”

Mənbə: Sportinfo.az

Hazırladı: GettoSport