Azərbaycan cüdo millisi ABŞ səfirliyinin təbrikini qəbul etdi

13 oktyabr 2026 — ABŞ-ın Azərbaycandakı səfirliyi Bakıda keçirilən dünya cüdo çempionatında uğur göstərmiş Azərbaycan millisini təbrik edib. Səfirliyin Facebook hesabındakı paylaşım oktyabrın 12–18-də Las-Veqasda U-23 güləşçilər arasında dünya çempionatının da keçiriləcəyini qeyd edib.

Paylaşımda bildirilir ki, Azərbaycan cüdoçuları turnirdə bir qızıl, iki gümüş və dörd bürünc medal qazanıblar. Paylaşımda müvəqqəti işlər vəkili Emi Carlonun Milli Gimnastika Arenasında keçirilən yarışları izlədiyi və həm ABŞ, həm də Azərbaycan komandalarına azarkeşlik etdiyi qeyd olunub. Carlon idmanın insanları və xalqları bir araya gətirən unikal gücünü vurğulayıb.

Azərbaycan millisi oktyabrın 4-dən 11-dək Milli Gimnastika Arenasında təşkil olunmuş dünya çempionatını rekord nəticə — yeddi medalla başa vurub. Qızıl medal Əhməd Yusifova (60 kq), gümüş medallar Zelim Tçkayevə (81 kq) və Uşanqi Kokauriyə (+100 kq), bürünc medallar isə Rəşid Məmmədəliyevə (73 kq), Ömər Rəcəbliyə (81 kq), Murad Fətiyevə (90 kq) və Kənan Nəsibova (+100 kq) nəsib olub.

Mənbə: GettoSport