Azərbaycan güləşçiləri dünya çempionatında ilk rəqiblərini tanıyıb

23 oktyabr 2026 — Sabaha Qazaxıstanın paytaxtı Astanada start götürəcək güləş üzrə dünya çempionatında Azərbaycan yunan‑Roma millisinin ilk rəqibləri bu gün keçirilən püşkatma ilə müəyyənləşib. Yarışın ilk günündə yunan‑Roma güləşçiləri xalça üzərinə çıxacaqlar.

Püşkatmaya əsasən, komandamızın on üzvündən dördü ilkin mərhələni görüş keçirmədən adlayacaq:

• Eldəniz Əzizli — 55 kq
• Həsrət Cəfərov — 67 kq
• Ülvi Qənizadə — 72 kq
• Qurban Qurbanov — 82 kq

Digər altı güləşçimizin ilk mərhələdə qarşılaşacağı rəqiblər belədir:

• 60 kq: Murad Məmmədov — Türkiyə təmsilçisi Enes Başar
• 63 kq: Nihat Məmmədli — ABŞ idmançısı Xavyer Conson
• 77 kq: Sənan Süleymanov — Yaponiyadan İsami Horikita
• 87 kq: İslam Abbasov — Türkiyəli Eli Cengiz
• 97 kq: Murad Əhmədiyev — Cənubi Koreya təmsilçisi Çon Bin Kvon
• 130 kq: Sərxan Məmmədov — braziliyalı Gilherme Evanjelista Dias

Beləliklə, dörd güləşçimiz birbaşa növbəti mərhələdən mübarizəyə qoşulacaq, digər altı idmançımız isə dünya çempionatına ilk dövrədən başlayacaq.

Mənbə: GettoSport