Azərbaycan qadınları AirBadminton Avropa çempionatında bürünc qazandı

17 oktyabr 2026 — Yunanıstanın Qədim Olimpiya şəhərində keçirilən BWF AirBadminton European Continental Championships 2026 turnirində Azərbaycanın qadınlardan ibarət milli komandası bürünc medal qazanıb.

Komanda Nigar Səmədova, Həcər Nuriyeva, Viktoriya Kumanyayeva və Keişa Fatimə Zəhra üzvlərindən ibarət olub. Yığma qadınların üçnəfərlik yarışında fəxri kürsünün üçüncü pilləsinə yüksəlib.

C qrupunda çıxış edən Azərbaycan millisi qrup mərhələsində İsveçrəni 3:1, Xorvatiyanı isə 3:0 hesabı ilə məğlub edib. Almaniyaya 1:3 hesabı ilə uduzan komanda qrupu ikinci sırada başa vuraraq pley-offa vəsiqə qazanıb.

1/4 finalda meydan sahibi Yunanıstan yığmasını 3:1 hesabı ilə üstələyən təmsilçilərimiz yarımfinala vəsiqə əldə ediblər ki, bu da onlara avtomatik olaraq Avropa çempionatının bürünc medalını təmin edib. Finala yüksəlmək uğrunda keçirilən görüşdə Türkiyə millisinə 1:3 hesabı ilə uduzan komandamız turniri üçüncü pillədə tamamlayıb.

Qeyd olunur ki, bu nəticə Azərbaycanın AirBadminton üzrə Avropa çempionatlarında növbəti medal uğurudur: 2025-ci ilin sentyabrında Bakıda təşkil olunmuş ilk Avropa çempionatında Azərbaycan millisi qarışıq komanda yarışında finala yüksələrək gümüş medal qazanmışdı.

Mənbə: GettoSport