Azərbaycan U-15 millisi 1/16 finalda Çili ilə üz-üzə gələcək

27 oktyabr 2026 — Bakıda təşkil olunan U-15 dünya çempionatı və festivalında Azərbaycan U-15 millisi C Divizionunun (65–96-cı yerlər) 1/16 finalında Çili ilə qarşılaşacaq.

Famil Xəlilovun çalışdırdığı millimizin Çili ilə oyunu oktyabrın 28-də Hövsan Yarış Kompleksində saat 11:30-da başlayacaq. Bu cütün qalibi növbəti mərhələdə Belarus ilə Cəbəllütariq arasında olacaq oyunun qalibi ilə üz-üzə gələcək.

Azərbaycan komandası qrup mərhələsini 9 xalla 3-cü yerdə başa vuraraq C Divizionuna vəsiqə qazanıb. Millimiz oktyabrın 28-dən 30-dək turnirdə daha 5 matça çıxacaq.

Mənbə: GettoSport